न्युज टाईम्स टिभी डेस्क – जनकपुरधाम४ भदौ २०८२, बुधवार
ग्रामीण उद्यम तथा आर्थिक विकास आयोजना अन्तर्गत आर्थिक करिडोर कार्यालय, वर्दिवास महोत्तरीद्वारा नव निर्मित कृषि तथा पशु सेवा केन्द्र भवनको गणेशमान चारनाथ नगरपालिका वडा नम्बर ६, गोदारमा आज एक विशेष समारोहबीच उद्घाटन गरिएको छ।
उक्त भवनको उद्घाटन तथा हस्तान्तरण कार्यक्रम संघीय कृषि तथा पशुपन्छी विकास मन्त्री माननीय रामनाथ अधिकारीले सम्पन्न गर्नुभयो। उहाँले भवनको साँचो नगर प्रमुख जित नारायण यादवलाई हस्तान्तरण गर्नुभयो।
सो कार्यक्रममा संघीय सांसद माननीय रामकृष्ण यादव, नगर उप–प्रमुख तुलसा कुमारी पाण्डे, मन्त्रालयका सचिवहरू, प्रदेश मन्त्रालयका प्रतिनिधिहरू, आर्थिक करिडोर कार्यालय वर्दिवासका कार्यालय प्रमुख, नगरपालिका कर्मचारी तथा स्थानीयवासीहरूको उल्लेखनीय उपस्थिति रहेको थियो।
