न्युज टाईम्स टिभी डेस्क -जनकपुरधाम, ६ भदौ २०८२, शुक्रवार ।
धनुषाको बिदेह नगरपालिका–१ ठाढीस्थित शिव शम्भु कृषि सहकारी संस्थाले किसानसँग निर्धारित मूल्यभन्दा बढी रकम असुल्दै आएको छ ।
सहकारीका सञ्चालक विजय राउतले डि.ए.पी मल प्रतिवोरा रु. २६०० र युरिया मल प्रतिवोरा रु. ११०० मा बिक्री गर्दै आएको तथ्य सार्वजनिक भएको हो । ।
तर, बिदेह नगरपालिकाभित्र नगर परिषद्ले तोकेको मूल्यअनुसार डि.ए.पी मल प्रतिवोरा रु. २५०० र युरिया मल प्रतिवोरा रु. १००० मात्र बिक्री गर्नुपर्ने व्यवस्था छ । यसबारे जानकारी दिँदै नगर उप–प्रमुख अशादेवी झाले, “सहकारी संस्थाको कार्यशैलीबारे गुनासो आएको छ, आजै अनुगमन गर्ने ,” भनिन् ।
यसैबीच, वडा नं. १ का अध्यक्ष संजय पाण्डेले किसानसँग असुल गरिएको अतिरिक्त रकम तत्काल फिर्ता गराउनुपर्नेमा जोड दिँदै, “नगर प्रमुख बेचन दास र नगर उप–प्रमुख अशादेवी झाले उचित छानबिन गर्न अनुरोध गरेको छ ।
किसानले सहजै सरकारी दरमा मल उपलब्ध पाउनुपर्ने अवस्थामा सहकारी संस्थाले मनपरी मूल्य असुली नाफा कमाइरहेको भन्दै स्थानीयस्तरमा आक्रोश चुलिएको छ ।
