न्युज टाईम्स टिभी डेस्क – जनकपुरधाम, २०८२ भदौ ८ गते, आइतबार .
जनकपुरधाम उपमहानगरपालिका -२३ लादो बेलाका ४५ वर्षीय आरोपित अजित राइनलाई जिल्ला प्रहरी कार्यालय धनुषाले २०८२ भदौ ७ गते मानव बेचबिखन, जबरजस्ती करणी र यौनजन्य क्रियाकलापमा संलग्न रहेको गम्भीर आरोपमा पक्राउ गरेको प्रहरीले बताए।
जिल्ला प्रहरी कार्यालय धनुषाका डीएसपी बरुणबहादुर सिंहका अनुसार उजुरी दर्ता भएपछि उनलाई गिरफ्तार गरिएको । डिएसपी सिंहले भने, “उनीविरुद्ध मानव बेचबिखन र यौनजन्य अपराधसँग सम्बन्धित गम्भीर प्रकृतिका उजुरी दर्ता भएका छन् । हाल अनुसन्धान प्रारम्भिक चरणमा छ । आवश्यक प्रमाण संकलनको काम भइरहेको छ ।” प्रहरीका अनुसार राइनविरुद्ध पीडित परिवार साथै मानव अधिकारकर्मीहरूले समेत उजुरी दिएका छन् ।
आरोपितले सोही पालिका –४ विद्यापति चोकमा मधेश प्रदेश गेष्ट हाउस सञ्चालन गर्दै आएका थिए । प्रहरीले उक्त होटललाई तत्काल सिलबन्दी गर्दै अनुसन्धान अघि बढाएको छ ।
