न्युज टाईम्स टिभी डेस्क – जनकपुरधाम , २०८२ साउन ३० गते।
सिराहा जिल्लाको कल्याणपुर नगरपालिका- १ सनचिरैया कि २१ वर्षीया अर्चना कुमारी मण्डलको २०८२ साउन २८ गते मृत्यु भएको आरोपमा प्रादेशिक अस्पताल जनकपुर धाममा कार्यरत स्त्री तथा प्रस्तुति रोग विशेषज्ञ डाक्टर कृतिका झा विरुद्ध साउन २९ गते जिल्ला प्रहरी कार्यालय धनुषामा उजुरी दिएको छ।
मृतकका देवर सिकेन्द्र मण्डलका अनुसार भाउजुको बच्चा हुने समय पुगेको हुनाले दर्द बढी भएको कारणले गर्दा साउन २८ गते बिहान प्रादेशिक अस्पताल जनकपुरधाममा ल्याएका थिए। सोही दिन साँझ ६ बजेको समयमा डाक्टर कृतिका झाले शल्यक्रिया गरी बच्चा निकाल्न सफल भए। शल्यक्रिया गरेपछि कुनै नर्स अथवा डाक्टरले राम्ररी हेर्चार नगरेको र रक्त सराप बढी भएको कारणले गर्दा राति ८ बजे मृत्यु भएको र बच्चा सकुशल रहेको जानकारी गराए।
मृतकको पोस्ट म्याडम साउन २९ गते प्रादेशिक अस्पताल जनकपुरधाम भयो।
सो अस्पतालका मेसु डाक्टर जामुन सिंहले भने यस घटनाबारे चारजनाको छानबिन समिति गठन गरिएको र उक्त छानबिनमा पीडित पक्षबाट दुईजना, दुईजना सञ्चारकर्मी र एकजना अस्पताल पक्षबाट रहेको बताए। प्रतिवेदन चार दिनभित्र बुझाउनुपर्ने र उक्त प्रतिवेदन अनुसार कानुनी प्रक्रिया अगाडि बढाउने बताउनुभयो।
साथै पीडित पक्षहरूले आक्रोशित भएपछि सोही अस्पतालमा कार्यरत स्विपर सुमित मेस्तरलाई कुटपिट गर्दा हात र खुट्टा भाँचिएको र उहाँको उपचार प्रादेशिक अस्पताल जनकपुरधाममा भइरहेको डाक्टर सिंहले बताए।
जिल्ला प्रहरी कार्यालय धनुषा मुदा शाखाका इन्सपेक्टर सागर कार्कीका अनुसार पोस्टमार्टमको रिपोर्ट आएपछि मात्र केही भन्न मिल्ने बताएका छन्।
